Қазақ хандығының 550 жылдығын бүкіл ел болып атап өтуіміз қажет. Бұл туралы бүгін Қазақ хандығының 550 жылдық мерейтойын өткізу жөніндегі республикалық комиссияның бірінші отырысында Бердібек Сапарбаев айтты. ҚР Премьер-Министрінің орынбасары өз сөзінде бұл мерейтойға қатысты іс-шаралар тек қана Жамбыл өңірмен шектелмеуі тиіс деп атап өтті. Себебі, қазақ хандығының дамуына басқа да қалалардың қосқан үлесі бар.

Ол: «Мәселен, Түркістан, Сығанақ, ар жағындағы Сарайшық, Бөкей ордасы, Ұлытау, Көкшетау және басқа біздің қалаларымыз – хандық болған елді мекендер», – деп айтты. Бердібек Сапарбаев, ҚР Премьер-Министрінің орынбасары: – Мемлекет басшысының тапсырмасы бойынша осы мерекені өткізу үшін Үкімет арнайы қаулы қабылдап, комиссия құрды. Елбасы берген тапсырмаға сәйкес, осы мерекені қазақстандықтар жақсылап атап өтуі керек.

Тақырып: 24.kz